Entréganlle à RAG máis de mil sinaturas en apoio de Novoneyra

A campaña para que a Real Academia lle dedique o Día das Letras de 2010 a Uxío Novoneyra reuniu xa máis de mil sinaturas. O pasado martes o presidente da RAG recibía as 1.041 sinaturas que apoian esta petición, e que se colleitaron en grande medida a través do web www.uxionovoneyra.com. A intención dos promotores é que se lles reenvíe este dosier aos diferentes académicos para que teñan en conta esta proposta. Entre os apoios, destacan sinaturas coma a do arxentino Juan Gelman ou so galegos Perfecto Conde, Xurxo Lobato, Xosé A. Neira Cruz, Sechu Sende ou Ramón Caride entre moitos outros nomes.