José Luis Rodríguez Zapatero, presidente do Goberno, deu a coñecer hoxe a remodelación do goberno. Uns cambios nos que o coruñés César Antonio Molina deixa paso á Ángeles González Sinde á fronte do Ministerio de Cultura. Na conferencia de prensa na que anunciou os cambios (que afectan a Economía, Fomento, Educación e Sanidade) Zapatero defendeu a necesidade dun Ministerio de Cultura ao considerar que é un sector moi importante en época de crise. Para o presidente a Cultura é unha política de Estado e a súa xestión é moi esperada no mundo. Ademais, destacou o perfil de creadora de Ángeles González Sinde que, ata hoxe presidenta da Academia das Ciencias e das Artes Cinematográficas. Os novos ministros xuran esta tarde o seu cargo e tomarán posesión antes da primeira reunión do Executivo que se celebrará mañá.
