O coruñés César Antonio Molina é o novo Ministro de Cultura. É un dos cambios anunciados esta mañá polo presidente Zapatero e que afectan a catro carteiras.
O escritor, periodista e poeta César Antonio Molina (A Coruña, 1952) foi nomeado no 2004 director do Instituto Cervantes, a entidade encargada de difundir a lingua e a cultura española en todo o mundo. Antes estivo á fronte do Círculo de Belas Artes de Madrid, onde desenvolveu a súa actividade profesional. Molina é licenciado en Dereito pola Universidade de Santiago e en Ciencias da Información pola Complutende, diplomado en Lingua e Literatura italiana pola Universidade para estranxeiros de Perugia.
Máis información en El País e sobre a súa figura na nosa hemeroteca
