Convócase a edición 2009 do GZ Crea

O certame GZ Crea chega á súa edición 2009 chamando á creatividade de autores de entre 16 e 30 anos. Alén das modalidades de moda, artes plásticas, fotografía, deseño de xoias, graffiti, carteis, videocreación, poesía, relato breve e teatro, a convocatoria inclúe, como é habitual, unha categoría de banda deseñada. A esta poderán presentarse obras orixinais cunha extensión mínima de dez páxinas e textos en galego. As solicitudes para participar están abertas ata o vindeiro 5 de xuño. Ademais dos 3.000 euros do primeiro premio, os gañadores verán publicadas as súas obras nun tomo recompilatorio.