A Cova do Rei Cintolo abre ao público o vindeiro 3 de abril

A fin dos litixios legais e o acordo entre a Federación de Espeleoloxía e mais a Deputación de Lugo permitirá que a Cova do Rei Cintolo se poida visitar. A oficina de Turismo de Mondoñedo admite xa reservas para estas visitas, que serán guiadas e transcorrerán pola galería principal durante 1h e 15 minutos. O prezo por persoa será de 15 euros, 9 para visitas de centros escolares. A cova estaba fechada desde o pasado 2006 por resolución xudicial, ante a denuncia dos espeleólogos por mor dos proxectos turísticos previstos para a mesma.