Os editores galegos participan na Feira do Libro Infantil e Xuvenil de Boloña

Un posto común amosa desde onte os traballos dos membros da Asociación Galega de Editores na Feira do Libro Infantil e Xuvenil de Boloña. Dentro do mesmo, contan con espazos destacados Baía Edicións, Editorial Galaxia e Edicións do Cumio, mentres que Kalandraka, Oqo e Nova Galiza participan no evento con postos propios. Como grande novidade na presenza galega nesta edición do evento, destácase a promoción da que será obxecto Agustín Fernández Paz, que participará canda a outros autores de país nas actividades programadas ata o vindeiro día 26.