A Fundación Casares recupera o pensamento de Ramón Piñeiro nunhas xornadas

Ramón Piñeiro foi unha das figuras clave da Galicia da segunda metade do século XX. Pero tamén unha das máis debatidas, ao amosarse partidario de separar o galeguismo do seu compoñente político (ao que se lle deu en chamar Piñeirismo). Agora que se lle dedica o Día das Letras Galegas, a Fundación Casares recupera o seu pensamento e obra nunhas xornadas. Do 23 ao 26 de marzo, polo auditorio da Deputación Provincial de Lugo pasarán amigos, coñecidos e estudosos do intelectual que permitirán recuperar o seu legado.