Fernández-Coca realizará os carteis que ilustren as actividades de Mundos Dixitais

Hai unhas semanas coñecíamos as datas da VIII edición de Mundos Dixitais, así como o nome de Alex Román, un dos participantes neste importante foro relacionado coa animación, arquitectura e videoxogos dixitais. Agora, os organizadores do encontro acaban de anunciar que será o profesor e deseñador Antonio Fernández-Coca o encargado de realizar os carteis cos que se ilustre o programa de Mundos Dixitais. En total, fará vinte carteis informativos dos espazos e actividades desta edición.