Novos proxectos de historia local chegan á rede

A Asociación Euroeume presenta, ás sete e media desta tarde, o Fondo de Documentación para o Coñecemento do Eume. Esta nova web recolle fotografías, novas, documentos, entrevistas e outros contidos que amosan a memoria colectiva desta comarca. Do mesmo xeito, a iniciativa conta con bases de datos con referencias bibliográficas encol da zona. Pola súa banda, en Ordes, o historiador Manuel Pazos presentaba onte o proxecto é-memoria, un espazo na rede que recolle investigacións realizadas por el mesmo e mais pola asociación Obradoiro da Historia que el preside.