O audiovisual galego acode a Brasil a facer negocios e exhibir as súas producións

Salvador de Bahía acolle estes días a III edición do Encontro Audiovisual Galicia-Brasil, que promove o Consorcio Audiovisual de Galicia para achegar ambas cinematografías. A actividade desenvolverá o esquema dos anteriores encontros: un apartado expositivo das producións audiovisuais galegas (na Fundação Cultural do Estado da Bahía) e, da outra, encontros para establecer novos contactos e consolidar coproducións. A este respecto, unha delegación de quince persoas desprazouse ata Brasil para participar nestas xornadas que rematan o vindeiro día 15.