15 filmes compoñen o ciclo de cine galego de Santiago

O filme Liste, pronunciado Líster será o encargado de abrir esta tarde o Ciclo de Cine Galego do Teatro Principal de Santiago. Ao longo da semana proxectaranse un total de 15 títulos, entre curtametraxes e longametraxes, con temáticas moi variadas como a República, os conflitos lingüísticos e visións críticas sobre o noso tempo e lugar. O ciclo inscríbese na liña da Concellaría de Cultura de Santiago de achegar filmes que non se inclúen nos circuítos comerciais.