O Cineclub Poleiro regresa á actividade cun filme de Denys Arcand

O cineclubismo está vivo en Galicia. Non hai máis que ver o número de entidades deste tipo que perviven a día de hoxe. Sen embargo, o caso do Cineclub Poleiro é especialmente peculiar. No 2005, no marco do peche de salas de cine, a entidade quedou sen espazo no que continuar a súa actividade expositiva. Agora, catro anos despois, a asociación recupera a súa activade pero en Goián (Tomiño). A filosofía de traballo non muda e seguirá fiel á súa liña de traballo: filmes de calidade e actual. A nova etapa desta entidade comezou coa proxección do filme A idade da ignorancia, do canadense Denys Arcand.