Nace en Betanzos o Cineclub Lar de Unta

Coa intención de "devolver a Betanzos a súa tradición cinematográfica" bota a andar nesta vila que acolle o cinema máis antigo en funcionamento do estado, o Cineclub Lar de Unta. Promovido pola asociación do mesmo nome, a nova entidade desenvolverá o seu traballo no local da rúa Peixaría 1 do casco histórico betanceiro, aínda que prevé realizar proxeccións especiais no histórico cinema Alfonsetti. A entidade anunciou que están e conversas coa Federación de Cineclubs de Galicia para procurar vías de colaboración.



Segundo explican os promotores, a programación pretende complementar os ciclos de cinema que oferta o concello, de carácter "máis comercial". Deste xito, o clube achegará "filmes de autor e de traballos audiovisuais que normalmente non se poden visionar en salas comerciais".

O documental Estruturas. Pel contra pel de Xosé Antón Bocixa e Paco Gallego, abrirá o vindeiro 28 de setembro o ciclo Cinema daquí co que botan a andar as proxeccións. A este seguirnalles filmes de Xurxo Souto, Marcos Nine, Eduardo Maragoto, ou os premiados Lois Patiño ou Eloi Enciso entre outros. O colectivo anuncia tamén novos ciclos de cinema foráneo, infantil e de animación ou de realizadores e ralizadoras da comarca.