A Fundación Caixa Galicia convoca as súas Bolsas de Primeira Obra

É un programa de axudas para creadores das diferentes disciplinas: audiovisual, arte, música....Chámase “Bolsas de Primeira Obra” e a Fundación Caixa Galicia creouna o ano pasado para promover novos valores. Agora, mentres acaba de facerse pública a convocatoria da segunda edición, preséntanse os resultados da primeira. O 27 de marzo a sede santiaguesa da Fundación Caixa Galicia acollerá a presentación de Outro Paralelo 43, documental que narra a viaxe entre Fisterra e a localidade rusa de Vladivostok a bordo do tren Transiberiano. A esta séguelle, o 16 de abril, na sede da entidade na Coruña a peza musical Viaxe por Kallaikía, realizada ao abeiro deste programa.