Promover a creación artística entre os máis novos. Este é o obxectivo das “Bolsas Fundación Caixa Galicia para primeira obra”. Un programa pioneiro que ten unha dotación de 120.000 euros é que apoiará os artistas emerxentes dándolles a oportunidade de “crear, realizar e mostrar as súas obras, prestándolles apoio económico e proxección pública”, segundo figura na nota de prensa remitida pola entidade. Ademais desta modalidade de axudas, as novidades da convocatoria pasan porque os destinatarios xa non son só galegos, tal e como acontecía ata o de agora, senón que se abren a todos os españois ou estranxeiros residentes no Estado.
Máis información no web da Fundación Caixa Galicia
