Un estudo desenvolvido polos investigadores Augusto Pérez Alberti e mais Juan López Bedoya, da Universidade de Santiago, lista 67 espazos de interese xeomorfolóxico no noso país. Entre os contemplados están desde restos de glaciarismo ata fervenzas, cantís ou dunas. Esta análise desenvolveuse por encarga da Consellaría de Medio Ambiente, que pretende crear a partir del a Rede de Espazos de Interese Xeomorfolóxico. Con esta medida, o departamento quere protexer estes lugares de grande importancia paisaxística.
