Moon Cresta, The Mistakens, Otro Juego de Té e The Mary´s Green Jungle son algúns dos grupos que, dende mañá ata o xoves animarán as noites da NASA (Nave de Servicios Artísticos). É o concerto Festival Rock Cabo Sam Lourenzo co que a sala compostelana pretende pechar a programación cultural deste ano.
Propostas sonoras
O ano chega ó seu final, e coma vén sendo habitual, a sala NASA celebra o seu Festival Rock Cabo Sam Lourenzo. Un ciclo de música popular que pretende exhibir durante tres días algunhas das porpostas sonoras máis significativas da escena independente galega. O martes os coruñeses The Mistakens e Bush Doctors e os vigueses Moon Cresta son os encargados de abrir o festival. O mércores Light in Sorrow, Trut 69 e Amarcord e o xoves Otro Juego de Té, The Mary´s Green Jungle e Salty Walter completan a programación.
Sam Lourenzo
A Sala NASA pretende recuperar con este festival o seu carácter alternativo. E nesta liña organiza un certame no que colabora a Cadea 40 principais, cun nome alternativo, xa que a organización considera que Sam Lourenzo é o alter ego cibernético do Apóstolo Santiago.
