Habitares, os lugares, os cidadáns non é unha exposición tradicional. É máis ben o resultado dun proxecto de investigación entre o Colectivo Ergosfera e un grupo de arquitectos, topógrafos, enxeñeiros e xeógrafos de Galicia e o norte de Portugal. Na mostra, ubicada na Estación Marítima de Vigo, pódense ver diferentes formas de achegarse á cidade, a partir de reflexións entre o público e o privado, o planificado e o imprevisto, entre a xente o seu espazo. O proxecto non se esgota nunha exposición, senón que tamén contará cun libro do mesmo nome e un sitio web que resume todas esas propostas.
