O Museo do Pobo acolle o Foro Turismo e Identidade

A pegada que ten o turismo de masas sobre as culturas receptoras é o eixe do Foro Turimo e Identidade. Esta proposta de debate, que se estivo a desenvolver en Internet, ten mañá, seis de febreiro, ás sete e media da tarde, a súa xornada presencial no Museo do Pobo Galego, en Compostela. O encontro, convocado polo Instituto de Estudos das Identidades, contará coa presenza de José Carlos Bermejo, Francisco Javier Blanco Herranz (ex viceconselleiro de Turismo en Euskadi), o antropólogo Llorenç Prats, Agustín Santana (profesor da Universidade da Laguna) e mais o ex director xeral de Turismo de Chile Eugenio Yunis.