Cúmprense 123 anos do nacemento de Castelao. Aproveitando a data, Ánxela Bugallo, conselleira de Cultura, e Avelino Pousa Antelo, presidente da Fundación que leva o seu nome, reuníronse para facer un balance do traballo de catalogación universal da obra do intelectual. Das máis de 3.000 pezas que se calcula hai dispersas polo mundo, o 53% está catalogada, autentificada, dixitalizada e datada. Un traballo desenvolvido pola Fundación, no que a Consellaría investiu 300.000 euros e que estará a disposición do público na Biblioteca Nacional de Galicia. O equipo e investigación trasladarase este ano a América, onde se espera atopar a metade da súa obra pola intensa actividade que desenvolveu no exilio.
