Foi un dos homes claves da cultura e da sociedade galega e a súa obra, tan prolífica como variada, está dispersa por máis de oito países. Aqueles lugares nos que Alfonso Daniel R. Castelao viviu e desenvolveu un fondo compromiso co país. A fundación que leva o seu nome e que preside outro mítico galeguista, Avelino Pousa Antelo, levaba anos tentando recuperar ese legado. Agora, grazas a un convenio coa Consellaría de Cultura, que dará 300.000 euros, poderán catalogarse os debuxos, escritos, obras de teatro, artigos e resto do material. O proceso terá lugar en 18 meses, chamaráselle Catálogo Universal Castelao, e estará no futuro Arquivo Nacional da Cidade da Cultura.
Xigantes e cabezudos
Ánxela Bugallo e Avelino Pousa Antelo presentan o programa de dixitalización da obra de Castelao Foto: Xunta de Galicia