O 31 de xaneiro de 1809 entraron en Vigo as tropas napoleónicas. Unha celebración que a Asociación Veciñal do Casco Vello e o concello queren conmemorar mañá cunha dramatización diante do MARCO (ás 19:00 horas) que repetirán noutras zonas da cidade. Será a primeira vez que se celebra cunha escenificación e o punto de inicio dunha serie de actividades programadas para celebrar a Reconquista, o 28 de marzo, cando a revolta popular local conseguiu expulsar os franceses da cidade. O programa do bicentenario da Reconquista inclúe tamén unha exposición de grande formato no Museo de Castrelos e un simposio internacional sobre a Guerra da Independencia.
