A Festa da Reconquista recupera en Vigo a rebelión contra os franceses

Cando se fan douscentos anos da invasión francesa de Galicia, Vigo celebra esta fin de semana unha nova edición da súa Festa da Reconquista. Os actos comezaron onte coa entrega dos premios Reconquista a cidadáns destacados e continuarán hoxe cunha ofrenda floral. Representacións da batalla, pasarrúas e demostracións de artesáns compoñen o groso do programa que conmemora esta fin de semana a rebelión cidadá de 1809.