David Pintor gaña o premio de ilustración Pura e Dora Vázquez

Con dez ilustracións para a obra Encontros ás agachadas, de Concha Blanco, o debuxante David Pintor (A Coruña, 1975) ven de ser escollido por unanimidade do xurado como gañador desta edición do certame convocado pola Deputación de Ourense. O artista recibirá os 3.000 euros do premio e o libro resultante xuntar a estas dúas achegas gañadoras – a de narrativa infantil e a de ilustración- publicarase en primavera. David Pintor tivo que competir con outras 21 obras presentadas a este singular certame que premia por separado as dúas creacións concorrentes. A obra ten como protagonistas a un neno e un extraterrestre que traban amizade.