Unha mostra sobre Darwin protagonizará o verán dos Museos Científicos

Os Museos Científicos Coruñeses adiantan os seus proxectos para 2009. Para comezar, o Aquarium Finisterrae abría onte a mostra Mare Oceanum na que se explica, mediante unha serie de paneis, a evolución da exploración submariña. A partir do 28 de xaneiro, poderá visitarse na Casa das Ciencias o remozado Planetario, e para o verán este mesmo edificio acollerá unha das grandes mostras do ano. A partir de xuño, neste espazo amosarase a vida de Darwin e o seu traballo sobre a evolución das especies. Para rematar, a Domus dedicará o vindeiro outono outra exposición ao traballo de científicos galegos.