A Comisión para a Recuperación da Memoria Histórica da Coruña presenta o vindeiro mércores a banda deseñada Compañeiros: Homenaxe ás vítimas do Portiño. O acto, que se celebrará ás dez e media da mañá, contará coa presenza de Manuel Rivas e mais de Xosé Tomás, autor da obra. Compañeiros conta a historia das vítimas da represión franquista no Portiño, na Coruña, cando tentaban fuxir durante a Guerra Civil. A obra, de dezaseis páxinas e con grampa, contará cunha distribución en centros de ensino con contidos didácticos. Logo da presentación, quedará instalada na Casa Museo unha exposición sobre este título.
