O aniversario da rebelión militar de 1936 motiva unha ampla serie de iniciativas a coincidir co Ano da Memoria

Hai hoxe setenta anos iniciábase a rebelión militar que daría lugar á Guerra Civil en España. Aínda que o levantamento non chegou a Galicia ata dous días despois, xa hoxe se están a suceder os actos de lembranza e de homenaxe ás vítimas daquela insurrección. Deste xeito, onte mesmo comezaban en Cambados as actividades do Barco da Memoria, o programa da Consellaría de Cultura para lembrar os afectados pola represión na costa. Pola súa banda, Teatro do Atlántico estrea hoxe en Compostela a obra "Memoria do 36", unha escolma de textos poéticos que recupera a memoria das vítimas e que se representará en diferentes vilas do noso país. Ao tempo a Comisión pola Recuperación da Memoria Histórica da Coruña aproveitaba onte este aniversario para lle solicitar ao concello que condene a sublevación e que retire os nomes franquistas das rúas. Está previsto que durante todo o día de hoxe e nas datas próximas se sucedan todo tipo de homenaxes neste sentido.

Máis información no web do Ano da Memoria