O Marco pecha 2008 con preto de 100.000 visitantes

Foi un ano de cifras record para o Museo de Arte Contemporánea de Vigo (MARCO). O centro pechou con máis de 96.000 visitantes, o que supón a mellor cifra de asistencia na curta historia da entidade. Este ano, o MARCO cambiou a súa política de entradas, permitindo o acceso gratuíto. As visitas ás exposicións temporais e as celebracións especiais como a Festa Aniversario en novembro ou o Día Internacional do Museo en maio foron os eventos que xuntaron máis público.