Son as saíñas de evaporación solar máis antigas que se conservan da época romana e viron a luz de xeito casual, nas obras de construción do centro de Saúde en Vigo. Desde entón, a Consellaría de Cultura investiu preto de millón e medio de euros para a súa posta en valor e proxecto museístico. O Centro Arqueolóxico do Areal permitirá facer un percorrido pola saíña e dar a coñecer como era a técnica de obtención de sal e os usos que lle daban os romanos na súa vida cotiá. O depósito, que foi visitado pola Conselleira de Cultura, Ánxela Bugallo, abrirá ao público en xaneiro de 2009.
