A posta en marcha dun proxecto museolóxico, que custará 250.000 euros e as obras de acceso e acondicionamento, orzamentadas en 390.000, son as actuacións que a Consellaría de Cultura prevé iniciar nas saíñas romanas descubertas en Vigo. A conselleira, Ánxela Bugallo, canda ao director xeral de Patrimonio, Felipe Arias, presentan esta mañá en Vigo o proxecto, que pretende fornecer unha completa información sobre a industria da salgadura e mais a Cidade Olívica da época romana. Está previsto que a proposta estea rematada para finais do ano 2007.
Máis información no web da Consellaría