Será a primeira vez que a Real Filharmonía se arrisque cunha ópera. E será unha estrea doble. En primeiro lugar porque faino cunha moi especial "Fidelio", o único título lírico de Beethoven. E en segundo lugar porque a formación que dirixe Antoni Ros Marbá se estreará nun dos grandes templos da lírica, o Gran Teatro do Liceo de Barcelona. Unhas citas que xa teñen data. Este xoves (14) en Santiago, o sábado (16) en Vigo, e o día 28 en Barcelona.
Prima, primerísima
Desde que Antoni Ros Marbá se fixo cargo da Real Filharmonía de Galicia, moitas cousas comezaron a cambiar no interior desta formación. De feito, este é o primeiro ano desde a creación da Filharmonía en 1996 en que se cumpla un hándicap que xa se tiñan marcado (mesmo antes de que Helmuth Rilling abandoase a dirección da Filharmonía aludindo como pretexto, nada claro por outra banda, de non interpretar ópera) que era o de poder interpretar un título lírico.
E que Ros Marbá supuxo un novo cambio de aires desta formación musical que cumplirá esta semana un gran reto: interpretar a única ópera composta por Beethoven, "Fidelio". E as citas para vela en Galicia estrán o día 14 en Santiago, e o 16 en Vigo, onde actuarán en colaboración do Coro do Liceo e os cantantes John Treleaven, H. Gierhardt, Robert Hale, Francisco vas e Isabel Monar. Dúas citas ineludibles.
Profeta na súa terra
E Antoni Ros Marbá tamén poñerá en marcha e en representación este programa en Barcelona, a súa cidade natal, onde desenvolveu parte da súa implecable traxectoria artística. E faino, con outra estrea, porque é a primeira vez que a Filharmonía de Galicia actúa na temporada dun dos principais coliseos líricos europeos: o Gran teatro do Liceo de Barcelona. Unha cita que se concretará o día 28 e que supón vencer outro hándicap dentro desta formación que cumple no 2002 seis anos.
Máis ópera
Pero unha vez xa postos coa ópera, a Filharmonía volverá a ter, en breve, no seu repertorio, máis ópera. De feito, logo da súa presentación en Barcelona a Filharmonía prepará exhaustivamente o seu novo traballo, que é a súa incursión no Festival Mozart, que voltará a centrar toda a súa atención no xénero lírico, e que posiblemente ofrecerá, "Cosí fan tutte" do compositor salzburgués e que leva o título da obra. Para esta ocasión, na que contará coa aportación de Laura Polverelli, A. Deshorties, Isabel Monar, Natale de Carolis e José Miguel Ram
