Leva varios anos vencellado á Real Filharmonía de Galicia e, desde xaneiro, será o vindeiro director da formación. Así o publica esta fin de semana a edición de Galicia de El País que asegura que Paul Daniel (Birmingham, Gran Bretaña, 1958) será nomeado director de xeito oficial. Substitúe así a Ros Marbá, quen leva doce anos á fronte da formación. Este mesmo medio asegura que Marbá continuará vencellado á formación como director emérito ou dirixindo algúns concertos.
Paul Daniel estudou música na Catedral de Coventry, no King´s College da Universidade de Cambridge e na Guildhall School of Music and Drama. É tamén director principal e conselleiro artístico na Orquestra Sinfónica West Australia. Segundo publica El País na súa carreira tamén figura algún galardó como o premio Olivier pola súa achega á ópera pou gramphon de 1999 pola serie de música inglesa que gravou coa discográfica Naxos.
