Sorrisos e boa colleita
Un libro coas olladas dos humoristas gráficos galegos sobre a situación do noso agro. Esta é, basicamente, a proposta que fai a Consellaría de Medio Rural mediante a obra Sorrisos e boa colleita. O libro, que se presentou recentemente, supón un completo catálogo con corenta e un dos nosos creadores neste campo, con nomes indispensables coma Xaquín Marín, Siro, Armando Salas, Gogue ou Kiko da Silva canda a moitos outros. Cuestións coma o Banco de Terras, as novas tecnoloxías ou a reconversión do rural son tratados cunha ollada que non deixa a ninguén indiferente.
