Caixanova presenta un programa para Pontevedra pensando nos máis novos

Nena Daconte, Lizagairo, Odaiko Percusion Group e as montaxes de teatro de Yllana e Paco León son o núcleo da programación que Caixanova deseñou para os novos en Pontevedra. A proposta sociocultural do primeiro semestre mantén as súas liñas habituais de traballo: música clásica, lírica, danza e teatro a cargo de formacións galegas, estatais e internacionais. No marco do seu apartado expositivo, o vindeiro 12 de decembro chegará á cidade do Lérez unha nova recalada da exposición Galicia 25, unha cultura para o novo século creada para conmemorar as vodas de prata do Consello da Cultura Galega que fai un percorrido da cultura no último cuarto de século.