Preséntase unha asociación para agrupar todos os xestores culturais do país

Pretende agrupar todos os profesionais que desenvolvan actividades relacionadas coa xestión da cultura no país. Chámase Asociación Profesional de Xestores Culturais de Galiza e preséntase hoxe no marco do Cultur.gal, o salón das industrias culturais. Os antecedentes da entidade hai que buscalos en Land Rover, a asociación creada hai dez anos para agrupar a técnicos locais da xestión pública. Pero agora amplía o seu horizonte e obxectivos, para agrupar aos profesionais a todos os niveis: públicos, privados, locais, comarcais, autonómicos.... De momento, a entidade preséntase con corenta membros entre os que se encontra Alberto García, que considera “que este é o momento pertinente porque o sistema cultural galego está nun momento de artellamento”.