Xosé Tomás asina unha BD sobre riscos laborais

Preventigirl é o título da mini banda deseñada sobre riscos laborais que acaba de rematar Xosé Tomás. A obra, de catro páxinas, foi unha encarga da Fundación de Estudios e Análises (FESAN) e mais da Xunta de Galicia, que xa realizaron unha tiraxe que se distribuirá por todo o país. Ao tempo, o autor indícanos que a Universidade da Coruña ten en depósito unha mostra sobre o seu álbum Tolos na que, ademais de páxinas da obra, poden verse diferentes fases do proceso de produción, bosquexos ou fotos de documentación. A mostra pode solicitárselle a Salvador Nayar no enderezo salva@udc.es.