A dispersión poboacional de Galicia e a necesidade de establecer estratexias de planificación territorial para vertebrarse é un dos obxetivos que se analizan no Foro Internacional Cidade, Territorio e Urbanismo (CITUR2008). Un encontro bienal no que participan arquitectos, economistas, sociólogos e xeógrafos e que pretende repensar os modelos de urbes en Galicia atendendo ás estruturas metropolitanas, as súas conexións, analizar as estratexias colaborativas entre cidades próximas e de escala similar, ou mesmo os vencellos arquitectónicos. Nuno Portas, Xerardo Estevez, Pascual Maragall, Stephen Graham ou Mark Dorrian son algúns dos expertos que participan como relatores neste encontro que remata mañá.
