No último cuarto de século comezaron a abordarse a filosofía e as ciencias políticas desde o punto de vista cultural. Sobre esta nova forma de ollar falarán filósofos, historiadores e politólogos no encontro Cultura e política que comeza hoxe no Consello da Cultura Galega. Con este péchanse os foros organizados polo Consello da Cultura para celebrar os seus vinte e cinco anos de existencia. Na sesión de hoxe, a catedrática de filosofía moral Amelia Valcárcel falará de Xénero, política e cultura; mentres que Natividad Gutiérrez e Rafael del Águila reflexionarán sobre os conflitos étnicos, as identidades culturais e a integración política.
