Os traballos gañadores e finalistas do certame de fotografía Faros de Onte, Faros de Hoxe poden verse desde onte no Museo do Pobo Galego. As obras recollen instantáneas de diferentes construcións deste tipo da costa do noso país. O certame, organizado por Retegal, tivo coma gañador a Paul Preece, que levou 3000 euros, mentres o segundo posto foi para Eduardo Navarro e o terceiro para Fernando Cendán. Os outros 21 finalistas levaron cadanseus 300 euros.
