O vindeiro mes de setembro poderemos ver a exposición dos gañadores do VIII Certame de Artes Plásticas da Deputación de Ourense. O xurado seleccionaba onte as obras premiadas, outorgándolle o primeiro posto á obra Ofelia de Maribel Castro Díaz, que levou seis mil euros de premio. O segundo posto, de 4.000 euros, foi para José Collazo Méndez, por Von Weitem e o terceiro, de 2.000 para No justice de Marcos Covelo.
