Non contemplar produción de transxénicos, incentivar a produción tradicional e ecolóxica impedindo a súa mestura; esixir sistemas de identificación dos produtos; promover a investigación e informar á sociedade e ao sector agrario sobre os produtos trasicionais e os modificados xeneticamente. Estas son as proposicións aprobadas onte no Parlamento por unanimidade dos tres grupos parlamentarios. Mentres, no exterior do edificio uns vinte membros da Plataforma Galega Antitransxénicos se manifestaban para pedir que se pechen as portas aos produtos transxénicos e solicitar que a composición dos alimentos se inclúa nas etiquetas.
