A Asociación de Amigos da Universidade Libre Iberoamericana en Galicia, AULIGA, organiza mañá en Rianxo o IX Seminario Internacional de Tradución e Poética. Este encontro reunirá vinte especialistas de diferentes países para reflexionar sobre Eidos poéticos na lingua e pensamento. O encontro céntrase na creación en galego, castelán e portugués, e conta nesta ocasión con inglés como lingua convidada. O prestixioso poeta Richard Burns impartirá o obradoiro A vivencia do ritmo e mais unha conferencia. Canda a el, destacan no programa os catedráticos Ángel López García e Manuel Jiménez Redondo.
