A lei de Arquivos, a de Museos e a posta en marcha de AGADIC son os principais retos da Consellaría de Cultura

Ánxela Bugallo, conselleira de Cultura, fala dos proxectos do seu departamento para este tramo final de lexislatura en entrevistas concedidas aos dous xornais do Grupo Correo Gallego e a El País. Nelas apunta os retos máis inmediatos: a Lei de Arquivos (que inicia agora o seu trámite parlamentario), a de Museos, a segunda edición de Cultur.gal, por en marcha a Axencia Galega das Industrias Culturais (AGADIC) e iniciar o Plan Galego de Industrias Musicais. En canto á Cidade da Cultura, Ánxela Bugallo considera normal a entrada de financiamento privado no complexo pero matiza que “a titularidade sempre estará en mans públicas”. Ademais, Bugallo asegura que elaboran proxectos que terán resultados a “cinco e mesmo dez anos”.