Un ciclo exhibe a videocreación do país feita por mulleres

María Marticorena, Amaya González Reyes ou Chelo Matesanz son algunhas das artistas que teñen traballado nos eidos da videocreación ou o vídeoarte. Esa faceta é a que se recolle no ciclo audiovisual que se desenvolve estes días na sala chamada “Zona C” (San Domingos de Bonaval, 1) en Santiago de Compostela. O ciclo inclúe o traballo de doce mulleres que reflexionan en vídeo sobre as conexións entre creación e sociedade. A mostra é o complemento da exposición Marxes e Mapas. A creación de xénero en Galicia que se pode ver ata o 1 de febreiro no Auditorio de Galicia.