O encontro Lugares de cultura analizará as posibilidades dos equipamentos culturais

Lugares de Cultura. Creatividade para o desenvolvemento é o título do congreso internacional que acaban de convocar a Consellaría de Cultura e mais a Fundación Cidade de Cultura para o vindeiro mes de xaneiro. O encontro, segundo explica o web, quere analizar entre o 21 e o 24 deste mes as posibilidades para o desenvolvemento que achegan os equipamentos culturais. Cuestións coma o papel da arquitectura nestes complexos, o traballo en rede, a participación social ou a situación do Eixe Atlántico neste campo son algúns do ámbitos sobre os que se quere discutir no evento. A inscrición está aberta a un prezo de 90 euros, con descontos para estudantes e desempregados.