Chiu Longina: "A cultura debe converterse nunha arma de desenvolvemento social"

É un dos creadores do laboratorio Alg-a.org, de Escoitar.org, do portal estatal Artesonoro e de moitas outras iniciativas. Antropólogo, artista e, como el mesmo di, "protésico dental", Chiu Longina é unha voz disidente no mundo da creación galega actual. A aposta polo traballo colectivo, a rede ou o son "fronte ao predominio da imaxe" son algunhas das características distintivas deste home multimedia, que ten moi claras as ideas sobre o papel da arte na sociedade. Aproveitando a súa presenza no Foro Creación artística e identidades culturais, que celebrou recentemente o Consello da Cultura, entrevistamos este creador.