Cineuropa programará tres filmes sobre George Bush no día das eleccións americanas

Baixo o título de Bye, bye, Míster Bush o Festival Cineuropa dedica tres películas a conmemorar a transición política que se está a vivir en Estados Unidos por mor das próximas eleccións. Non será a única noite temática, xa que o certame homenaxeará ao director canadense Guy Maddin coa proxección de tres dos seus filmes máis coñecidos. Cineuropa celebrarase este ano do 3 de novembro ao 3 de decembro coa proxección de 250 títulos, entre os que se atopan os filmes premiados nesta edición de Cannes, Berlín e Donostia.