O Índice de Converxencia da Sociedade da Información sitúa a nosa comunidade coma a antepenúltima no estado, só por riba de Canarias e de Extremadura. Segundo o informe e-España 2008 da Fundación Orange, Galicia baixou tres postos na converxencia desde o pasado ano. Entre outros datos, este informe recolle que teñen a súa sede no país o 4,31% das empresas das empresas de Tecnoloxías da Información e da Comunicación do Estado, o que equivale ao 0,74% de todas as empresas galegas. Un ámbito no que destaca o noso país é na Administración Electrónica, xa que se sitúa no cuarto posto do Estado, dez puntos por riba da media.
