Carlos López faise co premio Raíña Lupa de Literatura Infantil

O xurado do premio de Literatura Infantil Raíña Lupa revelaba esta mañá que Carlos López (guionista do dúo Pinto e Chinto) foi o gañador desta edición. A obra A peripecia de Roi impúxose neste prestixioso certame e valeulle ao seu autor o premio de 6.500 euros e mais a publicación do libro. Segundo valorou o xurado, o título é unha "aventura chea de fantasía, inzada de humor próximo ao absurdo e ao surrealismo, que vai a conectar cos gustos dos máis cativos".