Comeza o Outono fotográfico para achegar as imaxes á provincia de Ourense

É o evento fotográfico da temporada por excelencia. Exposicións individuais, colectivas, cursos, conferencias e, sobre todo, moita fotografía. Hoxe presentouse na Casa da Xuventude de Ourense este encontro que segundo o seu director, Benito Losada "exhibirá a obra de máis de cen creadores que inclúen nomes destacados da fotografía europea e española canda a novos valores que inauguran unha mostra por primeira vez". Losada destaca outra característica a maiores, que é o tratarse dun evento que conta con máis setenta entidades organizadores entre as que hai empresas grandes como a Fundación Caixa Galicia con pequenas asociacións de veciños.